Kryetari i Bashkisë:Humbjet e ujit në rrjet ishin në masën 70% e ulëm në 2% brenda pak muajsh
Kryetari i Bashkisë së Tiranës tha sot këtë javë do të eksperimentohet në disa lagje të Tiranës, projekti pilot për ujë 24 orë, për të parë se si do të vazhdohet më tej me lagjet e tjera. Projekti nis me heqjene depozitave të shumta të vendosura në taracat e pallateve në lagjen Ali Demi dhe Kodra e Priftit.
” Kësaj javë do të promovojmë disa zona, në zonën Ali Demi dhe Kodra e Priftit dhe në disa zona të tjera do të nisë çmontimi i depozitave. Ky është lajm i shumëpritur prej 25 vitesh. Një nga konfliktet më të mëdhaja që marrim nga banorët është se kush dhe ku e vë depozitën. Depozitat na shëmtojnë qytetin estetikisht por janë dhe burim infeksionesh. Mezi pres këtë javë që ne të nisim promovimin e disa prej këtyre zonave dhe qytetarët të furnizohen 24 orë me ujë”, tha Veliaj.
Veliaj tha se kur erdhi në krye të Bashkisë Tiranë e gjeti borgjin e UKT-së në shumën 60 ml euro. Kryetari i Bashkisë së Tiranës, tha se humbjet në rrjet kanë qenë 70% dhe brenda pak muajsh janë ulur me 2%.
“Kemi gjetur një kompani që ka pasur borxhe 60 mln euro. Borxhet e Ujësjellësit janë sa dy fishi i bashkisë. Kjo është arsye pse kjo kompani ka një gjendje financiere të vështirë. Ne kemi dhe një situatë skandalozë për humbjet në rrjet. 70% e ujit që shkon në rrjetin e UKT humbet në sistem, tubacione, kryesisht kur kalon në Kamëz dhe Paskuqan. Sot situata ka ndryshuar. Humbjet janë ulur 2% dhe është shtuar me 2 orë furnizmi me ujë. Ambicja është shumë larg”, tha kryebashkiaku Veliaj.
