Qytetarët të cilët kanë blerë një apartament, por që ndërtuesi nuk ka nisur proceudurat për ta hipotekuar pasi mund të ketë falimentuar apo është larguar në drejtim të paditur, mud të bëjnë kërkesë në bashki për t’u pajisur me dokumentin e pronësisë.
“Të gjithë pallatet e pahipotekuara mund të përfitojnë nga amnistia e Këshillit Bashkiak”, tha Erion Veliaj.
Kryetari i Bashkisë së Tiranës tha se tanimë, për çdo leje të re, ndërtuesi do të ketë disa përgjegjësi shtesë në lidhje me urbanizimin e zonës përreth objektit ku ai ndërton.
Veliaj ishte në njësinë bashkiake numër 7, ku sapo është bërë rikualifikimi urban i bllokut të banimit nr. 22, ku është investuar për ndërtimin e rrugës dhe sistemin e hapësirave ndërmjet pallateve.
