Stilisti dhe themeluesi franko-japonez i markës së modës “Kenzo”, Kenzo Takada, ka vdekur nga Covid-19.
“81-vjeçari, i cili e ka kthyer emrin e tij në një markë me famë botërore, vdiq në Neuilly-sur-Seine pasi u infektua me Covid-19”, theksoi zëdhënësi.
Shtëpia e modës “Kenzo” shkroi në Twitter se “optimizmi, gëzimi dhe bujaria e tij vazhdojnë të jenë shtyllat e saj. Do të na mungojë shumë dhe do ta kujtojmë gjithmonë”, thuhet në deklaratë.
Projektuesi nuk ishte i njohur vetëm për markat e tij të modës, por edhe për gamën e tij të parfumeve dhe produkteve të kujdesit të lëkurës.
Kenzo u lind në Japoni më 27 shkurt 1939, por pjesën më të madhe të karrierës së tij e ka kaluar në Francë.
