Ish-presidenti amerikan, George HW Bush ka vdekur në moshën 94-vjeçare. George Bush Sr, siç ishte i njohur, u nda nga jeta në orën lokale 22:10 të mbrëmjes së të premtes, tha zëdhënësi i tij për një kohë të gjatë Jim McGrath. Lajmi u konfirmua nga djali i tij George W Bush.
Ai ishte president midis viteve 1989 dhe 1993 pasi shërbeu dy mandate si zëvendës-president gjatë presidencës së Ronald Reagan.
Në prill, presidenti i 41-të i SHBA u shtrua në spital me një infeksion gjaku një javë pas vdekjes së gruas së tij, Barbara. Por nga spitali vetëm dy javë më vonë
Në funeralin e ish-Zonjës së Parë ishin 1.500 vetë, përfshirë djalin e tyre Jeb.
Ish-presidenti amerikan Bill Klinton dhe ish-Sekretarja amerikane e Shtetit, Hillary Clinton i bënë homazhe George HW Bush.
Në një deklaratë, ata thanë: “Pak amerikanë kanë qenë, apo do të jenë ndonjëherë, në gjendje të arrijnë shërbimin rekord të Presidentit Bush ndaj Shteteve të Bashkuara.”
Bush hyri në politikë në vitin 1964, pasi nisi një biznes nafte në Texan dhe u bë milioner në moshën 40 vjeçare.
Ish-presidenti u martua me Barbara Pierce kur ajo ishte vetëm 18 vjeç. Martesa e tyre zgjati 73 vite dhe kanë gjashtë fëmijë së bashku.
