Deputeti demokrat Ervin Salianji, ka reaguar nga foltorja e Kuvendit lidhur me vdekjen e 32- vjeçarit Lear Kurtit mbrëmjen e djeshme në Tiranë, ngjarje që ka tronditur jo pak opinionin publik.
Salianji tha vdekja e të riut, e kthen pas në kohë në rastin e Klodian Rashës, pas versioneve të ndryshme të ngjarjes të publikuara nga AMP dhe spitalit të Traumës.
“Vdekja apo vrasja, ose vdekja më mirë se nuk dua të dy në këtë…dhe reagimi i Agjencisë Policore që thotë se e dërguam në spital dhe spitali që thotë erdhi i vdekur, na kthen pas në kohë në rastin e Klodian Rashës. E mbajmë mend të gjithë kur për Klodian Rashën thanë se iu gjet një armë zjarri. Ligji funksionon këtu vetëm për ata që janë të varfër. Ja ku jemi, çon grupi parlamentar i PD-së VKM-në e qeverisë dhe ligji nuk funksionon, ja ku i keni kullat rreth parlamentit, por nuk shkoni aty. Shkoni tek deputetët siç tha Shehaj pak më herët. Shkojnë tek këta të pamundurit që nuk kanë mundësi. Kontrabandë me anije bëhet në Shqipëri për naftën. Ligji funksionon vetëm për të varfrit”, tha Salianji.
