Nënkryetari i LSI, Petrit Vasili ka publikuar një dokument nga raporti i “Venecias”, duke u shprehur se Komisioni ka reflektuar thellë e se në fund u bind se presidenti Ilir Meta nuk ka kryer asnjë shkelje kushtetuese.
Vasili thekson se Komisioni i Venecias nuk ka gjetur asnjë shkelje të ligjit nga ana e presidentit, ndërsa thotë se pas kësaj, Rilindja duhet të ikë.
Postimi i Petrit Vasilit:
Venecia reflektoi e ndryshoi thellë, ZERO shkelje kushtetute nga Presidenti, rilindja të ikë!!(FOTO). Tani të mbyllin gojën dhe të ikin se rrahën ujë në havan për 4 muaj me shkarkimin e marrë të presidentit!!.
Edi Rama dhe rilindja u diskredituan,u poshtëruan dhe u përdhosen si armiq të kushtetutes,të ligjit dhe të Shqipërisë.
Venecia reflektoi thellë dhe raporti final i saj pasqyron ndryshimet thelbesore nga raporti paraprak.
Reflektimi gjithmonë mbetet vlerë e shtuar As edhe një shkelje e vetme e kushtetutës. Dekretet e presidentit janë në fuqi të pa ankuara apo sfiduara në asnjë gjykatë në Shqipëri a jashtë saj.
Votimet moniste-puniste të Edi Ramës u konfirmuan nga Venecia si 100% të paligjshme dhe njollë e zezë për Ramën dhe rilindjen. Falë dekreteve të Presidentit u evitua gjakderdhja aq e dëshiruar nga Edi Rama.
Presidenti veproi me përgjegjshmëri të plotë, në respekt absolut të Kushtetutes dhe mbrojti pluralizmin dhe demokracinë si shtyllat fondamentale të rendit demokratik dhe i shërbeu me patriotizëm të tashmës dhe të ardhmës europiane të vendit. Ka vetëm një shkelës e dhunues të kushtetutes dhe ligjit ky është Edi Rama.
Komisioni hetimor për shkarkimin e presidentit si një kor sorrash të zeza duhet pushojë mënjëherë se ekzistuari,për ti dhënë fund një neverie që vjen erë “psikopatie” të Edi Ramës.
