‘’ Të huajt cilido qofshin nuk mund të sillen si pushtues dhe të bekojnë kapjen e drejtësisë nga kanabisi i kryeministrit“, kështu ka shkruar kreu i Grupit Parlamentar të LSI-së, Petrit Vasili.
Vasili shton se çdo devijim nga Kushtetuta rrënon reformën në drejtësi dhe e kthen atë në një antireformë.
Petrit Vasili shkruan:
Thirrjet për konsensus të natës së fundit janë shumë të vonuara dhe shërbejnë vetëm si alibi e kapjes së drejtësisë.
Zbatimi i reformës në drejtësi ka hyrë në rrugën shumë të rrezikshme të antikushtetutshmerisë dhe antiligjit, që demonton shtetin e së drejtës dhe instalon një pushtet të kriminalizuar të antiligjit.
Reforma në drejtësi është e qartë,e zeza mbi të bardhë në kushtetutën e miratuar me 140 vota në Kuvendin e Shqipërisë dhe duhet zbatuar pa lëvizur asnjë presje.
Cdo devijim nga Kushtetuta rrënon reformën në drejtësi e kthen atë në një antireformë dhe provon qartë kapjen nga kryeministri dhe qeveria.
Të huajt cilido qofshin nuk mund të sillen si pushtues dhe të bekojnë kapjen e drejtësisë nga kanabisi i kryeministrit.
Ka vetëm një kushtetutë, dhe as kuvendi dhe asnjë mision i huaj nuk kanë as me të voglën mundësi ta tjetërsojnë dhe interpretojnë pasi Kushtetuta nuk jua jep këte të drejtë.
Shqipëria është Republikë Kushtetuese dhe jo republikë e kanabisit.
Po, kryeministri, qeveria dhe kushdo tjetër…..që kërkon të shkelet Kushtetuta është si ata.
