Nënkryetari i LSI Petrit Vasili i drejtohet ambasadorit të BE në vendin tonë Luigi Soreca, se duhet t’i bëjë me dije Ramës një sërë fenomenesh negativë të qeverisjes, pavarësisht se kryeministri do të mërzitet.
Me anë të një statusi në “Facebook”, Vasili shkruan se Soreca duhet t’i bëjë me dije Edi Ramës korrupsionin në qeveri, faktin se zgjedhjet nuk duhet te vidhen, nuk duhet të bëhen zgjedhje moniste etj.
Postimi i Petrit Vasilit:
Luigi foli Edit foli, paçka se merzitet!
Ambasadori Soreka tha sot se:
“Nuk kanë mbetur shumë kohë për të arritur ato gurë të tjerë kilometrikë që duhen këtë pranverë. Do të ishte gabim për Shqipërinë në rast se nuk do të fokusohej për të bërë gjithçka që mund të bëjë Shqipëria si vend gjatë muajve në vijim për tu prezantuar plotësisht e përgatitur për pikën tjetër të takimit.”
Ambasador Soreka guret kilometrike janë të qartë: Edi Rama nuk duhet të vjedhë zgjedhjet dhe nuk duhet të bëjë votime moniste. Edi Rama duhet të çoj përpara drejtësisë hajdutët e zgjedhjeve. Edi Rama duhet të heqë duart nga drejtësia dhe nga kapja e Gjykatës Kushtetuese. Edi Rama duhet të ndal korrupsionin që po shkatërron ekonominë e vendit dhe të përgjigjet për penalisht ai dhe qeveria e tij për këtë.
Edi Rama duhet të ndalë koncesionet grabitqare dhe kusare, që po hedhin ekonominë në greminë siç vetë BE ka konstatuar. Edi Rama duhet të ndahet nga krimi i organizuar, nga trafikantët e drogës dhe të ndalë pastrimin gjigand të parave në Shqipëri. Edi Rama duhet të ndalë shkatërrimin e administratës publike dhe të mos fusë mijra militantë të paaftë dhe të korruptuar të partisë së tij.
Ndaj i dashur Ambasador i BE-së këto nuk janë detyra të Shqipërisë, por të Edi Ramës.
Këto detyra të paplotësuara dhe të penguara prej tij na mbajnë jashtë Europës. Ju e dini me mire se kushdo tjetër këtë.
Une e kuptoj sikletin,vështirësinë dhe hallin, që ju pengon për të mos ju drejtuar dot drejtpërdrejti Edi Ramës. Por koha spret më.Shqiptarët nuk mund të presin më.Të rinjtë e Shqipërisë nuk kanë me durim.
Ndaj i dashur Luigi foli edhe Edit paçka se mërzitet. Për Europën dhe parimet e saj rëndësi ka të gëzohet populli pa le të mërzitet Edi.
Pa Edin bëjmë që çke me atë punë,ndërsa pa popullin s’bëjmë dot kurrë.
Ndaj foli Edit Luigi foli….
