Nënkryetari i LSI, Petrit Vasili, ka sulmuar kryeministrin Edi Rama dhe kandidatin e PS për Bashkinë e Tepelenës, Tërmet Peçi, i cili u shfaq me elektoratin në kishë.
Përmes një statusi në facebook, Vasili shkruan se pushteti i Ramës është i nëmur, është i mallkuar, pasi është prodhim i të pa feve, që fe kanë krimin, vjedhjen dhe grabitjen.
Reagimi i Vasilit:
Babloku dhe rilindja dhunon kishat për fushatë, Mallkuar qofshin!!(FOTO). Edi Rama dhunon kishat. Rilindja vë dorë edhe mbi kishat. Maskarenjtë e rilindjes bëjnë fushatë brenda në kishe.
Shikojini FOTOT se si në Lekël, të Bashkisë Tepelene, bëjnë fushatë brenda në kishe. Flasin kusaret e rilindjes me kryqin e shenjteruar përballe!? Mëkat më të rëndë se ky nuk ka.
Ky kalon çdo kushtetutë, është më i rendi dhe më i pafalshmi i të gjithë fajeve,pasi këta horra nuk kursejnë as kishat ne histerine per te rrembyer pushtet. Asnjë shqiptar i ndershëm mbështetes i cdo partie qoftë nuk e fal kurrë këtë dhunim të shënjtërisë së besimit.
Ku dallojnë këta nga Partia e Punës që ju vuri kazmën kishave? Janë të njejtët, me të njëjtën urrejtje për fenë dhe besimin. Vetëm këta mund ta bëjnë. Pushteti tyre është i nemur, është i mallkuar pasi është prodhim i të pa feve,që fe kanë krimin vjedhjen dhe grabitjen. Refuzojeni ashpër këta vandale të besimit,që arritën kulmin e mëkatit të tyre njerëzor.
është i bekuar dhe legjitim çdo qendrim,veprim apo aksion ndaj tyre. Të gjithë bashkë kundër atyre,që nuk besojnë tek atdheu,tek familja dhe tek zoti!
