Ish-deputeti i LSI Petrit Vasili ka kritikuar fjalimin e kryeministrit Rama mbajtur përpara studentëve dhe pedagogëve.
Përmes një postimi në Facebook, Vasili shkruan se nuk mundet që një qeveri analfabetësh të verifikojë tituj shkencorë.
Postimi i plotë
Ua ua qeveria e analfabeteve do të verifikojë tituj shkencore ?!
Kryeministri përballë pedagogeve, më kurajon e marrë që vjen vetëm prej padijes se thellë, mbushi bulçite dhe me plot gojën tha:
“Ne do të mundohemi dhe të bëjmë transparencë. Pedagogët e mirë do të ndahen nga ata sharlatanët. Kjo bëhet përmes pikave që ne kemi menduar.”
Qeveria e analfabetëve, që as shqipen e ministrave të vet nuk qeveris dot, do të ndajë shkencetarët nga jo shkencetarët,do të ndajë të diturit nga të paditurit, do të ndajë dijetarët nga genjeshtarët.
Gjëmë e padëgjuar kjo.
Siç ndajnë koncesionet dhe tenderat me qeveri ashtu duan të ndajnë edhe titujt shkencorë.
Edhe në kohën e partisë punës një budallallëk i tillë nuk ndodhi kurrë,bile ishte e kundërta dhe shteti e partia nuk hyne deri aty.
Reforma më mirë që mund të bëjë qeveria është të fuse në kurs vehten për të mësuar shqipen, që e flasin si këmishë e veshur mbrapsht dhe e dyta të mesojnë fare pak logjike aq sa niveli i shkollës fillore, se më shumë nuk mbajnë.
