Nënkryetari i LSI, Petrit Vasili ka nxjerrë statistikat për muajin nëntor duke vënë re se pas denoncimit të Bashës dhe opozitës për fshehjen e shifrave, vdekjet nga COVID-19 në Shqipëri janë rrit me 64%.
Përmes një statusi në Facebook, Vasili kërkon një hetim të thelluar për këtë fakt teksa sipas tij deklaratat e Ramës dhe disa mjekëve të akaparuar vetëm sa rëndojnë situatën.
Rriten 64% vdekjet nga COVID në Shqipëri, pas denoncimit nga Opozita dhe Basha??
Prej datës 10 nëntor deri në 19 nentor kishte 86 raste humbje jete nga COVID në Shqipëri.
Ndërsa prej datës 20 nentor deri 29 nëntor pati 141 raste humbje vdekje.
Rritja e numrit të vdekjeve është kritike me 64%, është një rritje shumë e madhe dhe e mënjëhershme.
Çfarë ndodhi?
A mos pësoi mutacion virusi? Jo kjo nuk ka ndodhur .
A e goditi ndonjë uragan vendin? Jo jo as kjo nuk ka ndodhur.
Shumë e thjeshtë për tëkuptuar.
Në datë 20 nëntor u DENONCUA fort dhe qartë publikisht nga opozita dhe Basha, që vdekjet po fshiheshin.
Që mbas kësaj dite rritja është plot 64% dhe kjo kërkon analizë dhe hetim të thelluar deri në një.
Deklaratat politike të Kryeministrit dhe të disa mjekëve të akaparuar vetëm rëndojnë akoma më keq situatën.
E vërteta duhet zbardhur pa asnjë hezitim pasi janë jetë të humbura shqiptarësh.
