“Narkoshteti bleu zgjedhjet dhe do blejë sërish zgjedhjet” ky është paralajmërimi i kreut të grupit parlamentar të LSI-së, Petrit Vasili në një prononcim për median nga selia e partisë.
“Eshtë e qartë që telekomandën e Edi Ramës dhe 74 deputetëve që ndodhen në atë sallë të zgjedhur nga krimi i organizuar, e mban në dorë krimi i organizuar. Edi Ramën e mban çdo sekondë akoma në pushtet dhe ia mbledh dorën për të mos u larguar nga karrigia e tij që vjen erë, pikërisht se këtë urdhër Edi Rama pret ta marrë nga kriminelët që e kanë vënë atje që të grabisë shqiptarët për ta, të mbulojë aferat e tyre dhe të lejojë çfarëdolloj veprimtarie kriminale në vend dhe ajo të mos ndërshkohet. Sot i tërë populli shqiptar, së bashku me opozitën shqiptare dhe opozitarët shqiptarë, ish-deputetë si qytetarë të lirë janë vendosur në njërin krah, në këtë apel nuk mungon asnjë shqiptarë i vetëm dhe në krahun tjetër ndodhet vetëm një Kryeministër i rrethuar nga të inkriminuar, mbështetës i kriminelëve dhe i telekomanduar nga kriminelët”, tha Vasili.
