Nënkryetari i LSI-së, Petrit Vasili, e ka cilësuar deklaratën e sotme të Federica Mogerinit se Shqipëria ka bërë përpara në reforma, si qokën e fundit që Mogerini në ikje i bëri Edi Ramës.
Përmes një postimi në facebook, Vasili shkruan se Mogerini ka habitur për keq shqiptarët duke dhënë fakte imagjinate në vend të të vërtetave që ata i njohin mirë.
Postimi i plotë
Mogerini në ikje i bën qokën e fundit Edi Ramës !!
Federica Mogerini në ikje, flet për një Shqipëri që nuk ekziston.
Ajo habiti për keq shqiptarët duke dhënë fakte imagjinare në vend të të vërtetave, që ata i njohin mirë.
Së pari: është e vërtetë se 63 % e shqiptarëve nuk e mbështesin reformën në drejtësi dhe nuk është aspak e vërtetë ajo që thotë Mogerini se 80% e shqiptarëve mbështesin atë.
Së dyti: është e vërtetë, që Shqiperia e ka marrë rekomandimin për hapjen e negociatave që në vitin 2016 dhe jo vjet kur thotë Mogerini. Bile vjet Shqipërisë ju shtuan edhe 7 kushte të tjera.
Së treti: është e vertetë që reforma në drejtësi është dështim i plotë, Shqipëria është pa drejtësi, pa gjykatë kushtetuese dhe të lartë, me veting me dy standarte dhe me një KLGJ dhe KLP kur njerëz pa integritet deri dhe bashkëpuntorë të sigurimit janë pjesë e tyre dhe nuk është aspak e vertetë ajo që thotë Mogerini se ajo është një histori suksesi për tu marrë shembull.
Se katërti: është e vertetë se Krimi mbretëron dhe korrupsioni është thelluar me 8 shkallë sipas Transparence Intenational dhe nuk është aspak e vërtetë ajo që thotë Mogerini se korrupsioni është luftuar.
Së pesti: E vertetë është që qeveria dhe kryeministri kanë dalë nga sistemi dhe kanë krijuar monizmin në parlament dhe në sistemin e drejtësisë dhe nuk është aspak e vërtetë ajo që thotë Mogerini se qeveria ka përmbushur detyrimet.
Së gjashti: është e vërtetë që media është kapur nga qeveria dhe liria e medias sipas Reportereve pa Kufi ka rënë me 8 shkallë.
Së shtati: është e vërtetë që Zgjedhjet e lira u shkatërruan nga krimi i organizuar dhe fajtorët nuk janë dënuar, dosjet 339 dhe 184 janë bllokuar dhe kriminelët në qeveri dhe jashtë saj livadhisin si duan.
Pse Mogerini ju largohet të vërtetave, përse i Mogerini i fsheh të vërtetat, përse Mogerini nuk i evidenton këto të vërteta?
Mogerini i habiti për keq sot shqiptarët.
Mogerini mbylli sot sytë edhe perpara raportit të Departamentit Amerikan të Shtetit.
Parimet e Europës së Bashkuar kanë në themel zgjedhjet e lira e të ndershme, transparencën, demokracinë funksionuese, shtetin e së drejtës, barazinë përpara ligjit, luftën pa kompromis ndaj krimit dhe korrupsionit ku qeveria ka dështuar në të gjitha.
Me sa duket Mogerini në ikje e sipër i harroi rrugës këto parime të mëdha të Europës që aspirojnë shqiptarët, por që nuk ka aspak të bëjë me atë që thotë Mogerini në alibinë për qeverinë e kapur të Edi Ramës.
Gjynah. Mogerini që një kohë e humbur kot për shqiptarët.
