Petrit Vasili vijon opozitarizmin e tij, këtë herë ai e përshkuan gjendjen e Shqipërisë përmes vargjeve të Migjenit.
Sipas tij indiferenca shtetërore dhe ecja pa drejtim do ta çojë Shqipërinë drejt greminës.
Statusi i plotë i Vasilit
Kjo është Shqipëria jonë sot nën peshën e indiferencës shtetërore dhe ecjen kuturu dhe pa drejtim drejt theqafjes. Deri kur kështu ma…thoshte Migjeni i madh.
Migjeni
Nën flamujt e melankolisë
Në vendin tonë
kudo valojnë
flamujt e një melankolie
të trishtueshme…
…dhe askush s’mund të thotë
se këtu rron
një popull që ndërton
diçka të re.
Aty këtu në hijet
e flamujve
mund të shifet
një mund, një përpjekje
e madhe përmbi vdekje
për të pjellë diçka të madhe,
për të qitë në dritë një xhind!
Por,(o ironi)
nga ajo përpjekje lind
vetëm një mi.
Dhe kështu kjo komedi
na plas diellin e gazit,
na prej marazit
pëlcasim.
Në pragun e çdo banese
ku ka ndonjë shenjë jetese
valon nga një flamur
melankolie të trishtueshme.
