Kreu i Grupit Parlamentar të Lëvizjes Socialiste për Integrim, Petrit Vasili ka falenderuar pjesëmarrësit që erdhën nga gjithë Shqipëria në protestën e opozitës.
“Falenderim pa fund nga zemra për ju që erdhët në protestën madhështore sot.
Miq që erdhët nga gjithë Shqipëria, Divjaka, Lushnja, Fieri, Patosi, Rroskoveci dhe Mallakstra. Sot të gjithë ju i dolët për zot Shqipërisë dhe familjeve tuaja.
Askush nga sot nuk ka guxim t’ju dhunojë familjet dhe bukën e gojës,t’ju dhunojë dinjitetin dhe krenarinë. Sot jemi shumë të fortë krah njeri-tjetrit dhe jemi aq shumë sa marrim përpara çdo qeveri kriminale si kjo e Edi Ramës“, ka shkruar Vasili në Facebook.
