Petrit Vasili ka vazhduar edhe sot ta sulmojë Kryeministrin për indiferencën e tij dhe ta ironizojë për “dëgjesat” , që i konsideron si “dënglat”.
Vasili i është drejtuar qytetarëve me një mesazh: “Kryeministri u kthye nga emigracioni, informojeni” – thotë ai.
“Para viteve 90′ shokët e byrosë politike nuk e dinin që populli hante bukë me tollon dhe varfëria ishte kthyer në mjerim. Sot, kryeministri ynë, njësoj si shokët e byrosë vetëm tani mori vesh që Tirana ka papunësi dhe infrastruktura është copë-copë.
Qytetarët prej katër vitesh dinë edhe shumë më shumë se ai:
që Tirana vuan dhe për ujë;
që dhjetëra rrugë e trotuare edhe në zemër të Tiranës janë për turp;
që në dhjetëra qoshe, sheshe e rrugë shpërndahet drogë;
që përpara çdo shkolle ka qindra prindër e gjyshër që presin fëmijët se s’ka siguri;
që dhjetra shkolla s’kanë ngrohje etj etj.
Kryeministrit i duhet çuar haber më shpesh për çfarë ç’ndodh në Shqipëri pasi ai nuk ndodhet këtu, ndaj dëgjesat, alias dënglat, bëjani pa kursim që të njohë Tiranën tonë të paktën, se Shqipëria tjetër është larg shumë…” – shprehet Vasili.
