Nënkryetari i LSI, Petrit Vasili i ka bërë thirrje qeverisë dhe kryeministrit Rama të marrë masa edhe për pandeminë ekonomike që do vijë nga koronavirusi në Shqipëri.
Ndër masat bazë Vasili thekson se shqiptarëve duhet t’u sigurohet paga minimale në këto kohë pasi bizneset janë të mbyllura.
STATUSI I PETRIT VASILIT
Të përballemi me Pandeminë e coronavirusit dhe të parandalojmë Pandeminë Ekonomike!
Kosova 10 milionë euro. Pandeminë, Shqipëria vetëm 3 milionë!!
Kosova deri tani ka zero raste me coronavirus dhe caktuar një financim prej 10 milion euro.
Ndërsa Shqiperia me 33 raste të zbuluara dhe në rritje ka vendosur vetëm 3 milion.
Kosova mbylli shkollat pa pasur asnjë rast.
Shqipëria i mbylli vetëm pasi u shfaqen rastet.
Shqiptarët nuk kanë asnjë nevojë për mesazhet e lajthitura të Edi Ramës, por kërkojnë një trajtim të gjithanshëm dhe serioz të Pandemisë.
Shqiptarët e varfër që jetojnë me pagën minimale dhe bisneset e mbijetesës nuk mundet kurrën e kurrës të përballojnë një Pandemi Ekonomiko Sociale sepse do të ishte asgjësuese për to.
Kryeministër kjo beteje është në dy fronte ndaj Pandemisë nga coronavirusi dhe parandalim i Pandemisë ekonomike ndaj merr shënim:
1.Vendos financimin e duhur sepse 3 milionët e tua janë tallje me këtë moment kritik.
2.Të vendoset Sistemi Parësor dhe mjeku i familjes si vijë e parë në funksion të Pandemisë.
3.Supercentralizimi është një zgjidhje e gabuar që nuk ndihmon, por nxjerr nga kontrolli Pandeminë.
4.Me mesazhet e tua për orë të tëra ke penguar komunikimin e qytetarëve me strukturat shëndetësore duke konsumuar një krim ndaj jetës dhe shëndetit.
5.Boll me komunikimet e tua të çartura që shkaktojnë konfuzion dhe ç’përqëndrojnë strukturat mjeksore dhe qytetarët.
6.Lëri mediat të punojnë qetë se janë aleat i çmuar në luftë me Pandeminë.
7.S’ka nevojë pandemia për fjalët e tua boshe, por për fjalët e profesionistëve që ndihmojnë dhe i bëjnë qytetarët aleatë në luftë me pandeminë.
8.Pandemia nuk ka nevojë për demostrime ushtrie me automatik në dorë rrugëve dhe shesheve të Shqipërisë.
9.Mirato financimin për të parandaluar Pandeminë Ekonomiko Sociale siç po bëjnë të gjitha shtetet e prekura.
10.Pandemia Ekonomiko sapo ka nisur, po nuk u ndal fajtor je vetëm ti.
11.Shqiptarëve tu sigurohet paga minimale ndërkohë që bisneset janë të mbyllura nga Pandemia.
Kjo nuk është dhurate por detyrim nga qeveria sepse taksat e shqiptarëve nuk janë pronë e qeverisë por e tyre.
