Ish-deputeti i LSI, Petrit Vasili shprehet se Edi Rama është dorëzuar, ndërsa në ikje e sipër, atë po e rrjepin oligarkët.
Përmes një statusi në “Facebook”, Vasili thotë se Rama është dorëzuar për shkak të rasteve skandaloze të korrupsionit në rrugën Milot – Balldren dhe Orikum – Dukat, ndërsa në ikje po rritet nga oligarkët.
Statusi i plotë
Kryeministrin e dorëzuar po e rjepin në ikje e sipër!!!
është shumë e qartë se koncesionet e fundit të rrugeve Milot Balldren apo edhe Orikum Dukat janë vertet vjedhje aq të trasha sa që analiza e tyre është shumë e lehtë. Kryeministri është dorëzuar perpara një presioni publik të jashtëzakonshëm, që sa vjen e rritet për shkak të korrupsionit të tij dhe të qeverisë. Si i mbyturi që kapet pas fijës së barit, kryeministri po kërkon mbështetje te oligarkët lart e poshtë.
Këta të fundit po i japin mbështetje, por me një çmim shkatërrimtar. Ata po e trajtojnë kryeministrin e dorëzuar si një pre dhe po e shqyejnë deri në fund. Ata po i imponojnë dhunshëm kushtet e tyre të cilat kryeministri i dorëzuar i pranon pa bërë rezistencë se nuk ka se nga tja mbajë.
Si do që të jetë për këtë korrupsion të frikshëm në radhë të parë do të përgjigjet e dënohet kryeministri dhe ministrat, oligarkët vijnë pas tyre. Edhe kryeministri e kupton këtë dhe po bën bashkëfajtor parlamentin për të shpërndarë fajin. Ata që duan ta zhvasin kryeministrin e kanë gënjyer duke i thënë se mund tja hedhë me parlamentin. Kryeministri dhe ministri përkatës janë dy firmat miratuese në qeveri dhe ata do përgjigjen e dënohen të parët. Ndaj kryeministër hap sytë se po të fusin aq thellë nga nuk do dalësh dot kurrë….
Shifrat e demit në Shqipëri janë qindra milionë euro deri edhe në miliarda euro.
Një katastrofë financiare apokaliptike e cila ka rënë mbi të gjithë shqiptarët pa asnjë përjashtim.
