Ish-kreu i grupit parlamentar të LSI-së, Petrit Vasili i është rikthyer sërish çështjeve të përgjimeve ku thot se dosja 339 dhe 184 bllokohen me urdhër të kryeministrit.
Përmes një postimi në “Facebook”, Vasili thotë se kryeministri Edi Rama duhet të ishte larguar që dje nga detyra pas përgjimeve të publikuara nga “Blid”, ndërsa shton se edhe Arta Marku duhet të largohet një orë e më parë.
“Prokurorja e përgjithshme për një vit e gjysëm nuk lëviz as gishtin për dosjen 339 dhe 184. Dosja 339 dhe 184 bllokohen me urdhër të kryeministrit, që e thërret prokuroren e përgjithshme në zyrën e tij sa herë do. E ka pranuar vetë publikisht prokurorja që asgjë nuk ka ndodhur me dosjen 339. Edi Rama duhet të ishte larguar që dje, Prokurorja e përgjithshme sot. Këta pranojnë të jenë pecet e këmbëve të kriminelëve ndërsa populli kurrë. Ndaj të mos vonojnë më asnjë minutë, se populli tani i ka shumë të qarta gjërat….”-shkruan Vasili.
