Nënkryetari i LSI Petrit Vasili, ka dekaruar se Agjencia e Emergjencave është ngritur një ditë pas tërmetit, më 27 nëntor.
Postimi i plotë
Skandali. Agjensia e Emergjencave Civile u ngrit një ditë pas tërmetit në 27 nëntor!!
Ndonëse termeti i 21 shtatorit prej 5.8 të shkallës Rihter ishte më i forti i 30 vjetëve të fundit Qeveria nuk veproi dhe nuk shpalli as Gjendjen e Fatkeqësisë Natyrore pas 21 Shtatorit.
Skandali rëndohet edhe më shumë kur edhe institucioni kyç Agjensia Kombëtare e Emergjencave Civile është ngritur në 27 Nentor 2019. Agjensia e Emergjencave Civile do duhej të ishte ngritur që përpara 21 shtatorit, por nuk u ngrit as pas 21 shtatorit.
Sic tregohet qartë nga Fletorja Zyrtare kjo Agjensi është shpallur në Fletoren Zyrtare vetëm në 27 nëntor dhe ka filluar funksionimin praktikisht në 28 Nentor.
Neglizhenca, nënvleftësimi dhe indiferenca në trajtimin e pasojave të 21 shtatorit shkaktuan paaftësinë në reagimin pas tërmetit të 26 nentorit, mosvlerësimin e ndërtesave të rrezikuara që morën jetë njerëzish dhe papërgatitjen e plotë në logjistike të cdo lloji.
Kjo kuptohet qartë edhe nga kërkesat e bëra nga qeveria shqiptare për ndihmë NATO-s kur këto kërkesa dhe përgaditje duhet të ishin bërë me kohë nisur nga tërmeti shumë i rëndë i 21 shtatorit.
Përgaditjet për të kaluar sa më lehtë dhe pa humbje të mëdha të jetës së njerëzve të termetit të 26 Nentorit fillonin pas tërmetit të 21 shtatorit. Kjo nuk ndodhi.
Mosveprimet e qeverisë dhe mos-shpallja e Gjendjes së Fatkeqësisë Natyrore pas 21 shtatorit janë vepra shumë të rënda penale me pasoja të tmerrshme. Prokuroria të hetojë intensivisht dhe të vendoset në krah të popullit, që humbi dhjetra jetë njerëzish në një tragjedi të tmerrshme.
Të hetohen ndërtesat e shkatërruara dhe ato të dëmtuara rëndë,të mblidhen provat dhe fajtorët të shkojnë përpara drejtësisë dhe vetëm pas kësaj të vijojë prishja e tyre. Cdo sekondë vonesë e Prokurorisë rëndon së tepërmi pozitën e saj dhe e vendos atë haptas kundër popullit të martirizuar nga tragjedia e tërmetit të 26 Nentorit.
Shikojini vetë miq ,shikojini edhe ju prokurorë faktet që Agjensia Kombëtare e Emergjencave u ngrit vetëm në 27 Nentor.
