Muri antik i Durrësit ka nisur të rrethohet me beton. Qindra qytetarë janë të shqetësuar për ‘varrosjen’ që po i bëhet këtij qyteti. Bëhet me dije se përpara 3 ditësh është hedhur cakulli i betonit ndërsa pjesa tjetër është nën dhe.
Pak metra në drejtimin jugperendimor nga kjo pikë ndodhet monumenti shumë i rëndësishëm publik i Dyrrachiumit antik të vonë, Forumi Bizantin. Ndërsa pak metra në drejtimin tjetër veri-lindor njihen gjithashtu mbetjet e një strukture tjetër të rëndësishme të se njëjtës periudhe. Bëhet fjale për një zonë ku përqendrohen godinat më të rëndesishme publike të qytetit romak të vonë.
Ky është një mur i ndërtuar nga Justiniani dhe Anastasi.
Qytetaret e Durrësit nuk kërkojnë që kjo vepër të ndërtohet por të integrohet me xham edhe muri antik i ndërtuar nga Justiniani dhe Anastasi. Ata kërkojnë që në këtë kantier duhet dora e arkeologeve si dhe integrimi i murit me xham me vepren moderne.
