Drejtuesi i Urgjencës Kombëtare, Skënder Brataj ka folur për variantin “Delta” të COVID-19, i cili është konfirmuar të jetë i pranishëm në Shqipëri.
Brataj thotë që simptomat e këtij varianti janë: dhimbje koke, dhimbje fyti dhe rrufë, por sipas tij këto shenja shpesh herë ngatërrohen me ftohjen dhe nuk përfillen nga qytetarët. Zgjatja e sëmundjes kalon në 3-4 ditë në forma të lehta.
“Vaksina nuk ka arritur t’i mbrojë, pasi duhen 14 ditë pas marrjes së dozës së parë që të prodhohen antitrupa. Rastet e para janë infektuar në dasma dhe vdekje, si dhe në disa grumbullime të tjera familjare”.
Varianti “Delta” nuk është marrë vetëm nga kontaktet me personat e ardhur nga jashtë, por edhe nga shqiptarë që kanë shkuar jashtë.
