Komisioneri për Zgjerimin, Oliver Varhelyi ka reaguar për vendimin e palëve politike në vend për t’u rikthyer sërish në Këshillin Politik të Reformës Zgjedhore.
Varhelyi vlerëson rikthimin për të diskutuar në tryezën e përbashkët çështjen e ndryshimeve kushtetuese, ku shprehet se gjithëpërfshirja është mënyra e duhur për çështjet elektorale.
“Reforma zgjedhore në Shqipëri: Gjë e mirë që Këshilli Politik do të diskutojë ndryshimet e propozuara në sistemin zgjedhor. Gjithëpërfshirja është mënyra e duhur për çështjet elektorale. Marrëveshja vendimtare e 5 qershorit ruhet dhe votohet shpejt në ligj pasi adreson një kusht kryesor për bisedimet e pranimit të #EU”, shkruan Varhelyi.
