Komisioneri i BE, Oliver Várhelyi do të largohet nga Podgorica të enjten për të vazhduar në Shqipëri. Së bashku me kryeministrin Edi Rama, ai do të vizitojë ‘Bypass-in e Vlorës’, një projekt i financuar nga BE-ja dhe do të mbajë një konferencë për shtyp rreth orës 19:30 me CEST.
Më 14 korrik, Várhelyi do të jetë në Mal të Zi për Këshillin e 11-të të Stabilizim-Asociimit BE-Mali i Zi. Takimi, i kryesuar nga Përfaqësuesit e Lartë, do të jetë një mundësi për të shqyrtuar marrëdhëniet dypalëshe BE-Mali i Zi sipas Marrëveshjes së Stabilizim-Asociimit dhe për të diskutuar zhvillimet e fundit në Mal të Zi dhe në Ballkanin Perëndimor.
Pas Këshillit, Përfaqësuesi i Lartë Borrell, Kryeministri i Malit të Zi Abazović dhe komisioneri Várhelyi do të mbajnë një konferencë të përbashkët shtypi rreth orës 11:45.
Pasdite, përfaqësuesja e BE do të ketë një takim me përfaqësues të shoqërisë civile para takimit me presidentin Milo Gjukanoviq. Të premten, më 15 korrik, Përfaqësuesi i Lartë Borrell do të vazhdojë vizitën në Mal të Zi, ku do të zhvillojë një takim dypalësh me ministrin e Jashtëm Krivokapiq.
