Pas akuzave të kreut të PD-së Lulzim Basha se Vangjush Dako është nën hetim, pasi ekzistojnë përgjime të tij dhe kriminelëve, të cilëve kryetari i Durrësit u ofron tendera në këmbim të votave në zgjedhjet e 25 qershorit, ka reaguar vetë kryeu i Bashkisë së Durrësit.
“Me Lulzim Bashën jam i gatshëm të ballafaqohem në çdo studio apo shesh publik, për të gjitha ato që ai dhe altoparlantët e tij bërtasin për mua prej vitesh tashmë! E vetmja gjë qe nuk bëj dot për Lulzimin dhe partinë e tij është të fitojnë Durrësin, të cilin e kanë humbur thellë dhe më thellë, duke rënë poshtë dhe më poshtë në gropën që janë munduar të më hapin mua.
Gjithë të tjerat me këtë lloj soji janë humbje kohe. Keqardhje për gjithë ata që dëgjojnë akoma Lulin dhe këtë opozitë pulash të lagura që bëjnë sikur janë ujq të tërbuar.”
