Gjykata e Fierit ka zbardhur vendimin për lirimin nga burgu të Ermal Hoxhës. Në arsyetimin e Gjykatës thuhet se janë marrë parasysh dhe faktet që është kryefamiljar me një fëmijë të mitur.
Ermal Hoxha e ka bërë kërkesën që në verë për lirimin me kusht, pasi u dënua përfundimisht nga Gjykata me 6 vjet e 8 muaj burgim.
Në vendimin e gjykatës së Fierit thuhet se “Lirimi me kusht është bërë pasi Hoxha ka plotësuar afatet në bazë të nenit 59 për lirimin me kusht të dënuarit kur ka kryer 3/4 e dënimit si dhe në bazë të raportit të vlerësimit të të denuarit që ka qenë pozitiv dhe të gjitha palët kanë qenë për pranim kërkese. Po ashtu janë marrë parasysh dhe faktet që është kryefamiljar me një fëmijë të mitur”.
Ai ishte dënuar për trafik narkotikësh në tentativë.Hoxha u dënua në korrik 2017 nga Gjykata e Krimeve të Rënda me 10 vite burgim me gjykim të shkurtuar, së bashku me anëtarët e tjerë të grupit ‘Xibraka’.
Por vendimi u ndryshua nga Apeli i Krimeve të Rënda, i cili pranoi kërkesën e mbrojtjes që për grupin e Xibrakës të pranohej gjykimi i shkurtuar, i cili ishte refuzuar nga Shkalla e Parë.
(M.Q/Faxweb)
