Futbollisti i Shqipërisë Myrto Uzuni ka marrë të gjithë vëmendjen e mediave dhe publikut shqiptar për golin që shënoi në pjesën e parë të sfidës me Juventusin në Torino. Mesfushori me tipare sulmuese kapi në befasi mbrojtjen e “Zonjës së Vjetër”, e cila konsiderohet një nga prapavijat më të forta në Europë.
Në minutën e 19-të të sfidës, prapavija e kampionëve në fuqi të Italisë është në kaos teksa Ferencvaroshi del në kundërsulm të shpejt. Norvegjezi Tokmak Nguen del nga e majta dhe pason për Uzunin, por njëri prej lojtarëve të Juventusit i bën “dhuratë” futbollistit beratas, i cili arrin të mposhtë Huan Kuadradon dhe e prek mjaftueshëm topin për të hapur sfidën.
Me këtë gol, premisat e Uzunit për një karrierë të suksesshme rriten akoma më shumë.
Ky është goli i tretë që ka shënuar në Ligën e Kampioneve.
