Një dietë e shëndetshme gjatë shtatzanisë ndihmon në rritjen dhe zhvillimin e bebit tuaj. Është e rëndësishme të kuptoni se cilët janë ushqyesit për të cilët keni më shumë nevojë dhe ku ti gjeni ato.
Nuk ka asnjë formulë magjike për dietën gjatë shtatzanisë. Në fakt, gjatë shtatzanisë principet bazë i ushqimit të shëndetshëm janë po njëlloj- konsumoni shumë fruta, perime, drithëra, proteina pa dhjamë dhe yndyrna të shëndetshme. Megjithatë, disa ushqyes kërkojnë vëmendje të vecantë gjatë shtatzanisë.
Folate dhe acidi folik- parandalon difektet gjatë lindjes
Folate është një vitamin B që ndihmon në parandalimin e difekteve neurale të tubit, anomalitë serioze të trurit dhe palcës kurrizore. Forma sintetike e folatës që gjendet në suplemente si dhe ushqime të ngurta quhet acidi folik. Sumplemente që përmbajnë acid folik kanë treguar se ulin riskun për linje të parakohshme.
Për sa keni nevojë: 800 mikrogramë folatë ose acid folik një ditë përpara se të mbesni shtatzanë dhe gjatë shtatzanisë.
Burime: Drithërat e forta janë burim shumë i mirë i acidit folik. Gjithashtu dhe perimet jeshile, agrumet si dhe fasulet e thata
Kalcium — Forcon kockat
Ju dhe bebi keni nevojë për kalcium, për dhëmbë dhe kocka të forta. Kalciumi gjithashtu ndihmon në mirë funksionimin e sistemit te qarkullimit të gjakut, sistemit muskular si dhe atë nervor.
Për sa keni nevojë: 1,000 milligramë në ditë; adoleshentet shtatzanë kanë nevojë për 1,300 miligramë në ditë
Burime: produktet e bulmetit janë burimi më i mirë kalciumit. Burime të tjera përvec bulmetit janë dhe brokoli dhe lakra jeshile. Kalcium ka dhe në shumë lëngje frutash si dhe drithërat që konsumohen në mëngjes.
Vitamina D — Ndihmon në forcimin e kockave
Vitamina D ndihmon dhëmbët dhe kockat e bebit.
Për sa keni nevojë: 600 njësi ndërkombëtare (IU) në ditë ( përafërsisht 0.015miligram)
Burime: Peshq me yndyrë, si salmon, i cili është burim shumë i mirë i vitaminës D. Të tjera burime janë dhe qumështi i fortifikuar dhe lëngu i portokallit.
Proteina — Nxisin rritjen
Proteinat janë thelbësore për rritjen e bebit tuaj, sidomos gjatë tre mujorit të dytë dhe të tretë.
Për sa keni nevojë: 71 gramë në ditë
Burime: mishi pa yndyrë, shpendët, peshqit dhe vezët. Opsione të tjera janë edhe bizelet jeshile, tofu, produktet e bulmetiti si dhe gjalpi i kikirikut.
Hekuri — Parandalon aneminë
Trupi juaj përdor hekurin për të prodhuar hemoglobinën, një proteinë që ndodhet në qelizat e kuqe të gjakut e cila përcon oksigjen në inde. Gjatë shtatzanisë vëllimi i gjakut tuaj rritet për tu akomoduar me ndryshimet në trup dhe ndihmon bebin të bëjë furnizimin e vet me gjak- duke dyfishuar kështu nevojën për hekur.
Nëse nuk keni mjaftueshëm hekur, mund të ndjeheni të lodhur dhe me lehtësisht i prekshëm nga infeksionet. Gjithashtu dhe rreziku për lindje të parakohshme dhe peshë të vogël të bebit rritet.
Për sa keni nevojë: 27 milligramë në ditë
Burime: mish i kuq pa dhjamë, shpendët dhe peshku. Opsione të tjera janë drithëra të fortifikuara me hekur, bathët si dhe perimet.
Vitaminat para lindjes zakonisht përmbajnë hekur. Në disa raste mjeku, mund t’ju rekomandojë suplemente hekuri vecmas.
Hekuri nga produktet e kafshëve, si mishi absorbohet më lehtë nga trupi. Për të rritur absorbimin e hekurit kur e merrni atë nga perimet ose suplemente, kombinojini ato me ushqime ose lëngje që kanë shumë vitaminë C- si lëngu i portokalit, lëngu i domates ose luleshtrydhet. Nëse i pini suplementet e hekurit me lëng portokalli, shmangni ato që kanë shumë kalcium. Edhe pse kalciumi është ushqyes tepër i rëndësishëm, ai ul absorbimin e hekurit.
Suplemente — Pyesni mjekun
Edhe nëse konsumoni një dietë të shëndetshme, mbase disa prej ushqyesve më të nevojshme nuk i merrni dot nëpërmjet tyre. Mjeku mund t’ju rekomandojë suplemente të vecanta nëse ndiqni një diete strikte vegjetariane ose keni probleme me zemrën.
Gjithsesi edhe nësë po mendoni të merrni suplemente bimore gjatë shtatzanisë, konsultohuni gjithmonë me mjekun përpara.
