Liverpuli dhe Mançester United janë ndarë në një barazim 0-0 në përballjen e sotme në Premier Ligën angleze, e vlefshme për javën e 8.
Të kuqtë vendas prodhuan shumë volum loje duke sulmuar nga fillimi deri në fund në kërkim të fitores, por forca e tyre nuk mjaftoi për të çarë “murin” e ngritur nga Murinjo. Mançester United krijoi pak raste për shënim, por arriti të mbrohej mjaft mirë për të mos pësuar asnjë gol. Duhet përmendur edhe që portieri spanjoll De Gea bëri një paraqitje fantastike.
Pas këtij takimi, Mançester United mban vendin e parë në renditje me 20 pikë, ndërsa Liverpuli mban vendin e 6 me 13 pikë.
