Media italiane bëjnë me dije se gjatë një operacioni blic nga Policia Bashkiake e Riminit, në pranga kanë rënë një shtetas shqiptar 45-vjeçar dhe pronari i biznesit, një 56-vjeçar nga Rimini, pasi policia ka sekuestruar një sasi droge dhe një shumë të madhe parash në një lavanderi.
Agjentët kishin prej kohësh kishin dyshime për aktivitetin që zhvillohej se mund të kishte lidhje me trafikun e drogës, ndërsa pas hetimeve, hynë në aksion për të kontrolluar dyqanin.
Të fshehura mes rafteve dhe detergjenteve, u shfaqën 60 gramë kokainë, si dhe i gjithë kompleti i shpërndarësve të drogës.
Gjatë kontrollit u gjetën edhe 30 mijë euro cash, të cilësuara si të ardhura nga shitja. Pas kontrolleve, policia vuri në pranga pronaren e biznesit dhe 45-vjeçarin shqiptar.
Por, ndërsa ka dalë para gjykatës 45 vjeçari shqiptar ka thënë se nuk merrej me trafik droge dhe se mjetet që shërbenin për paketimin e kokainës i ruante për një bashkëfshatarin e tij i cili ishte kthyer në Shqipëri.
Nga ana tjetër, pronari ka mohuar të ketë dijeni për praninë e drogës në lavanderi, duke thënë se ajo nuk ka gisht në trafikun e kokainës.
Sakaq gjykata caktoi seancën e radhës për në 3 mars të këtij viti për të vendosur mbi çështjen e dy të arrestuarve për kokainë.
