Nga Bledian Koka
Unë nuk e njoh Arta Markun, por njoh Tik’ Llallën, Ina Ramën, Dhor’ Sollakun, Ben’ Rakipin, Alush Dragoshin, Maks’ Haxhinë. Njoh mënyrën e zgjedhjes së tyre përmes pazarit politik, përmes emërimit pa konsensus dhe me vullnet personal, por kurrë në asnjë rast procesi i zgjedhjes së Kryeprokurorit të Përgjithshëm nuk është bërë jashtë kuadrit të Kushtetutës.
Në një parlament të tillë, me një shumicë të dhunshme, të papërgjegjshme, një opozitë nuk duhet të qëndrojë me asnjë minutë. Dhe akoma më shumë propozimi i Sali Berishës është i vetmi qëndrim që duhet të mbahet nga opozita. Djegia e mandatave në këtë pikë është domosdoshmëri jetike për demokracinë që po jep shpirt, çdo aksion tjetër “sipas vullnetit të qytetarëve” është thjesht një zbythje me stil në cepin e kolltukut të deputetit, aty ku i vetmi interes që të aty të figurojnë edhe deputetët e opozitës është ai i Edi Ramës.
P.S. Unë e kam bindje që Lul Basha nuk ka për ta bërë një gjë të tillë, sepse nga një njeri që ngre gishtat e triumfit në ditën e dështimit të tij të radhës, nuk mund të presësh asgjë…
