Në Tiranë kanë mbaruar shkrepset, çakmakët dhe çdo urë zjarri, se i ka blerë të gjitha Kresha. Ditën e shtunë udhëheqësi historik i nacionalizmës do i vërë zjerrmin Tironës. Ai ka shpërndarë një qarkore tek mbështetësit e tij ilegalë që të mbajnë në xhep nga një shishkë me alkool, në mënyrë që kur t’jua bëj Kresha me sy t’i vënë flakën qytetit.
Ky vendim historik është përshëndetur nga të gjithë patriotët e Shqipërisë që kanë themeluar kombin, nga Is Boletini deri tek Selam Musai.
Po kështu, Kresha po kërkon ethshëm njerëz me krahë sa më të gjatë që të rrethojnë qeverinë të kapur dorë për dore. Audicionet për krahgjatët bëhen tek një pijetore afër Shallvareve.
Nga ana tjetër, mësohet që Edi Rama megjithë socialista kanë mbledhur rraqet dhe po ikin nga sytë këmbët që mos t’i kapë të shtunën gafil udhëheqësi suprem, Kresh’ Spahija.
