Sipas raportit të ministrisë së Shëndetësisë në Spanjë në 24 orët e fundit janë regjistruar 276 vdekje, pak raste më pak se dje ku ishin 281, duke shkuar në total 25 100 të vdekur që prej nisjes së pandemisë.
Rastet e reja të konfirmuara janë 1,147 duke shkuar në 242 988 në total, ndërsa të shëruarit janë 142,450. Që nga dita e sotme, Spanja nisi lehtësimin e masave kufizuese. Njerëzit kanë dalë për të shëtitur, vrapuar dhe për të kryer aktivitetet e tyre të përditshme. Po ashtu edhe daljet me biçikleta janë të lejueshme.
Pak ditë më parë në Spanjë u lejua për herë të parë pas gati 2 muaj izolim shëtitjet e fëmijëve me prindërit. Megjithatë mbeten ende në fuqi rregullat e distancimit fizik dhe oraret e kufizuara për të shmangur turmat.
