Papërgjegjshmëria e punonjësve të UKT-së, pasi hodhën zhavorrin e punimeve në puseta ka sjell shumë probleme në Farkë.
“Punëtorët janë të UKT-së, kanë hedhur zhavorrin sipër pusetës. Tani ra shi e u bllokua puseta. Ja çfarë kanë bërë, shiheni vet gjendjen, ujërat e zeza janë të gjithë në rrugë”, janë shprehur banorët.
Rreth 300 familje në zonën e Farkës janë prekur nga ky veprim. Banorët shprehen se ujërat e zeza derdhen lumë dhe bashkohen me ujin e pijshëm, gjë që sjell infeksione.
“Temperaturat 40, çfarë do presim vetëm sëmundje. Mizat po na mysin. Fëmija a do dalë në rrugë, do marrë një gur, do fus duart në gojë, e ja ku e mori infeksionin”, shprehet njëri prej tyre.
Edhe pse mungesa e koshave e ka kthyer këtë zonë në një depozite mbeturinash askush nuk ka marrë masa. Thirrjet e përhershme të banorëve nuk janë dëgjuar prandaj paralajmërojnë protesta përballë UKT.
“Nuk di të them me saktësi se prej sa kohësh ky bidon është hedhur këtu, por me siguri mund të them se mungesa e koshave të mbeturinave ka shkaktuar këtë masivitet ndotjeje. Jemi 300-350 familje nuk kemi 1 kosh plehrash”, vazhdojnë të shprehen banorët.
Premtimet kanë qenë shumë të thjeshta për tua dhënë banorëve, por nuk janë mbajtur asnjëherë.
“Vijnë për fushata, por s’janë mbajtur asnjëherë. Kanë premtuar disa herë por mbarojnë punët e veta ikin. A banojnë rob a kafshë, nuk do të di njeri fare. Votat I kemi dhënë sa herë që kanë dashur, ne u gënjenim dhe përplasnim duar për to dhe rroftë partia.”
Banorët janë në pritje që instancat përkatëse të reagojnë në të kundërt paralajmërojnë se do të mblidhen të gjithë së bashku në protestë përballë UKT.
