UEFA nis hetimin ndaj Federatës Shqiptare të Futbollit për banderolën që u shfaq ditën e djeshme në ndeshjen Shqipëri-Zvicër lidhur me çështjen çame
Hetimet e Komisionit të Disiplinës vijnë pas kërkesës së Ministrisë së Jashtme greke, sipas së cilës banderola ku shkruhej “Greqia është fajtore. Kujto genocidin në Çamëri. 100 mijë viktima shqiptare” është me përmbajtje provokuese dhe nxitëse.
Greqia i kërkoi UEFA-s të ndëshkojë përgjegjësit për hapjen e saj.
Vendimi i Komisionit të Disiplinës do të merret me 21 korrik. Akuza është për hapje të parrullave të plagjishme në stadium.
Ndërkaq mësohet se UEFA po heton edhe lidhur me hedhjen e fishekzjarrjeve në po të njëjtën ndeshje, të cilat janë të ndaluara. Siç raportohet, disa tifozë kanë ndezur fishekzjarre në stadium, por reagimi i stjuartëve ka qenë i shpejtë duke iu fikur ato.
Nëse shpallemi fajtorë, përfaqësueja shqiptare do të dënohet me gjobë.
