Pas kërkesës së bërë nga kryeministri britanik Boris Jonson dhe anëtarë të Parlamentit Europian, UEFA i është përgjigjur menjëherë thirrjes së tyre, duke i hequr Rusisë të drejtën për të organizuar finalen e Champions League, në program për tu zhvilluar më 28 maj në “Gazprom Arena”.
Sipas Daily Mail, që i referohet burimeve të sigurta nga UEFA, me këta të fundit që janë mbledhur në një mbledhje urgjente, finalja e Champions League këtë sezon do të zhvillohet në Paris.
Edhe gjatë edicionit të kaluar, tre javë përpara se të luhej, finalja e Champions ndryshoi qytetin organizator. Ndeshja e planifikuar të luhej në Stamboll u transferua në Porto për shkak të pandemisë së Covid.
