Partia Demokratike do të kërkojë ngritjen e një komisioni hetimor për udhëtimet me charter të kryeministrit Rama. Lajmin e bëri të ditur nënkryetari i PD-së, Luçiano Boçi.
“Do kërkojmë ngritjen e një komisioni hetimor për të zbuluar para shqiptarëve fytyrën e vërtetë të regjimit. Do kërkojmë mbështetjen e të gjithë deputetëve. Çdo tentativë për ta penguar këtë komision do të konsiderohet si tentativë për të fshehur të vërtetën para shqiptarëve”, tha Boçi.
Ditën e sotme kreu i demokratëve, Sali Berisha doli në një deklaratë për mediat kundër të tjera kërkoi dorëheqjen e kryeministrit Edi Rama lidhur me skandalin me udhëtimet charter që sipas Berishës kapin një vlerë prej 22 milionë eurosh.
Berisha deklaroi se Rama sipas tij është i vetmi kryeministër në botë që krijon sipërmarrje personale me 420 mln euro të grabitura nga taksat e shqiptarëve.
