Zhgënjim total nga ana e Kombëtares së 21-vjeçarëve të drejtuar nga Alban Bushi, që janë mposhtur sot me rezultatin 4-0 nga bashkëmoshatarët e austriakë në sfidën e luajtur në “Niko Dovana” të Durrësit.
Sfida nis menjëherë malore për Shqipërinë, që e sheh veten në disavantazh të dy dolave që në minutat e para të takimit, kur në minutën e 6-të Raguz shënon për Austrinë, ndërsa 3 minuta më pas dyfishoi Lovriç. Edhe në pjesën e dytë e njëjta situatë, dy gola të pësuar sa hap e mbyll sytë nga ekipi shqiptar, kur në minutën e 72-të realizon Baumgartner dhe 60 sekonda më pas sërish Lovric, që vulos sfidën 4-0 dhe dygolëshin e tij personal.
Por ajo që alarmon më shumë ishte mënyra e pësimit të golave, gola të ardhur nga gabime fskandaloze të prapavijës së ekipit të drejtuar nga Alban Bushi.
Shthuret kombëtarja e Bushit. Miqtë nga Austria shënojnë golin e katërt me anë të Lovriç.
72′ GOL AUSTRIA 0-3/ Tjetër gabim në mbrojtje. Bajrami i dhuron topin Baungarterit, i cili nuk fal, duke shënuar golin e tretë.
8′ GOL AUSTRIA 0-2/ Shënojnë sërish austriakët, 2 gola për 2 minuta. Rrugën e rrjetës këtë herë e gjen Lovriç! Gabime amatoreske në mbrojtje!
6′ GOL AUSTRIA 0-1/ Zhbllokohen shifrat. Hutim në mbrojtje, sulmuesi Raguz ndëshkon Selmanin dhe kalon në avantazh miqtë.
