Nënë e bir janë qëlluar me armë zjarri mbrëmjen e sotme në qytetin e Durrësit pas një sherri për parkingun. Autori është banor i lagjes nr. 12 në Durrës, i cili është arrestuar menjëherë pas ngjarjes.
Policia thotë se ngjarja ka ndodhur rreth orës rreth orës 20:10, në lagjen nr.12, Durrës. 45 vjeçari me inicialet J.Z. fillimisht është përleshur me grushte, shkelma dhe sende të forta me F. Ç. rreth 23 vjeç, ndërsa më pas ka nxjerrë armën duke e qëlluar të riun dhe nënën e tij, V. Ç., rreth 45 vjeçe që ka qenë në vendin e ngjarjes.
Dy të plagosurit, nënë e bir janë jashtë rrezikut për jetën në spitalin e Durrësit. Grupi hetimor ndodhet në vendngjarje dhe po punon për zbardhjen e rrethanave të ngjarjes.
