Një qytetar ka denoncuar se kryebashkiaku i Vlorës Dritan Leli është marrë peng në zyrën e tij me pistoletë në kokë nga Arben Licaj, njohur ndryshe si Beni i Nazmies.
Lajmin e ka bërë publik në rrjetet sociale, ish-kryeministri Sali Berisha i cili përkrah mesazhit të qytetarit shkruan: “Narkokryetari i bashkisë, Leli merret peng! Ai është anëtar i bandave kriminale!”.
Por pak pas këtij denoncimi Kreu i Bashkisë së Vlorës Dritan Leli ka bërë një dalje publike. Leli bashkë me avokatin Agron Alibalin dhe një përfaqësuese të një shoqate, e cila merret me marrëdhëniet midis Shqipërisë dhe Izraelit, të cilët kanë ardhur në kuadër të Samitit të dytë të Diasporës, folën për bashkëpunimin që bashkia dhe dy miqtë e tij kanë për të ndërtuar një rrugë në qytetin e Vlorës, e cila do të quhet “Rruga e izraelitëve”.
Leli nuk ka dhënë asnjë prononcim rreth denoncimit të Berishës duke zgjedhur të flasë vetëm për bashkëpunimin midis shtetit hebre dhe Shqipërisë.
