Ministri Blendi Klosi ka zhvilluar sot një takim me turistët spanjollë që u sulmuan dje nga pronari i një lokali në zonën e Qeparo.
Me një tufë me lule në dorë, Klosi duket se ka ngushëlluar turistët, dhe iu ka ofruar të gjithë mbështetjen e qeverisë, në mënyrë që të ndryshojë mendimi i tyre për cilësinë e shërbimeve në vendin tonë.
“Në mëngjes me familjen e pushuesve nga Spanja, që dje përjetuan një eksperiencë konflikti në Himarë, që nuk është as në traditën shqiptare të mikpritjes dhe as në kulturën tonë për trajtimin e miqve. Por siç e tha edhe përfaqësuesi i familjes Galdon, një njeri i vetëm nuk përfaqëson Shqipërinë, sikundër vlerësoi reagimin e menjëhershëm të autoriteteve dhe interesimin e drejtëpërdrejtë të qeverisë”, shkruan Klosi në rrjetet sociale.
