Një prej shkollave të dëmtuara është dhe gjimnazi “Sami Frashëri” në kryeqytet, i rikonstruktuar dhe inaguruar nga bashkia e Tiranës më 9 korrik 2018 dhe si gjithmonë kryebashkiaku Erion Veliaj nuk mund të rrinte pa propagandën e tij në televizione.
Lidhur me këtë ka ardhur dhe një reagim nga ish-deputetja demokrate Albana Vokshi, e cila i ka drejtuar disa pyetje kryebashkiakut Erion Veliaj, ku një ndër to është se kush mban përgjegjësi nëse tërmeti do kishte rënë gjatë ditës kur mijëra nxënës do ishin në ambjentet e shkollës.
Reagimi i plotë:
Gjimnazi Sami Frashëri është rikonstruktuar dhe inaguruar në 9 korrik 2018 nga Kryetari i Bashkisë Veliaj, që nuk do e humbte kurrë një mundësi të tillë dalje propagande.
Sipas mediave, rikonstruksioni u bë me mbështetjen e kompanisë “Philip Morris” dhe organizatës “Milieukontakt Shqipëri”. Në njoftimin e shpërndarë nga zyra e shtypit e Kryetarit të Bashkisë thuhet që u rikonstruktuan fushat sportive brenda dhe jashtë shkollës, sallat e zhveshjes, dyert e klasave, si dhe laboratorët shkencorë (biologji, kimi dhe informatikë).
Në dt 9 korrik 2018, Kryetari i Bashkisë Veliaj ka shkuar edhe më tej duke siguruar prindër, nxënës e mësues që “është çështje kohe që investime të tilla të prekin të gjitha shkollat në kryeqytet”.
Por, pas tërmetit të 26 Nentorit, shkollës “Sami Frashëri” i është vënë shiriti prej dëmtimeve që ka pësuar.
Pushimi i Drejtoreshës militante të gjimnazit nuk duhet ta mbyllë këtë cështje që mund të kishte pasur pasoja të rënda nëse tërmeti do kishte rënë gjatë ditës kur mijëra nxënës do ishin në ambjentet e shkollës.
Sot Kryetari i Bashkise Erjon Veliaj duhet t’i pergjigjet disa pyetjeve:
– Kush mban përgjegjësi për shkollën “Sami Frashëri”?
– A janë kolauduar punimet e rikonstruksionit të shkolles nga kompani private? A është bërë marrja në dorëzim e punimeve nga ana e bashkisë?
– Si u përzgjodhën kompnitë që bënë rikonstruksionin?
– Sa është shpenzuar për këtë rikonstruksion?
– A mban përgjegjësi Kryebashkiaku Veliaj që siguroi nxënësit e prindërit që shkolla ishte e sigurt?
