Një ngjarje e pazakontë është regjistruar gjatë mesditës së kësaj të premteje.
Mësohet se policia është njoftuar për të shtëna me armë zjarri në zonën e ish-bllokut. Policia ka shkuar në vendngjarje dhe menjëherë më pas ka raportuar se bëhej fjalë për një viktimë, 67 vjeç, i cili sipas policisë ka ndërruar jetë nga ataku kardiak.
Qytetarët të trembur nga ajo që kanë parë, kanë njoftuar policinë se një person është qëlluar.Ndërkohë policia njofton se vijojnë veprimet për zbardhjen dhe sqarimin e plotë të rrethanave të ngjarjes.
Njoftimi i Policisë:
Tiranë/Informacion paraprak
Me datë 20.11.2020, rreth orës 13:30, në rrugën “Ibrahim Rugova”, dyshohet si pasojë e një arresti kardiak, ka ndërruar jetë shtetasi P.S., 67 vjeç.
Vijojnë veprimet me grupin hetimor për zbardhjen dhe sqarimin e rrethanave të ngjarjes.
