Një shqiptar ka ndërruar jetë në spitalin e Salernos, në Itali pasi u qëllua me armë nga një efektiv policie, pas vjedhjes së një makine.
Mësohet se 42-vjeçari me inicialet T.J, mori një plumb në gjoks, por që disa orë më vonë rezultoi fatal për jetën. Polici i patrullës e qëlloi atë gabimisht, gjatë ndjekjes në autostradë.
42-vjecari shqiptar, së bashku me 2 persona të tjerë, kishin grabitur një makinë tip “Fiat Croma”, por u zbuluan nga autoritetet.
Ndërkohë, personat e tjerë kanë arritur që të largohen dhe janë shpallur në kërkim.
