Nënkryetari i Partisë së Lirisë, Petrit Vasili, ka reaguar sot në lidhje me lajmin që po qarkullon në media se Rama ka hapur garë për administrator të rinj në bashkitë që janë në krizë financiare. Përmes një postimi në Facebook, Vasili shkruan se në këto 10 vjet qeveri Rama i vodhi bashkitë përmes korrupsionit dhe aferave, ndërsa tani kërkon të fsheh skandalin duke ndryshuar vartësit, për të vënë në dispozicion të besuarit e tij
“Edi Rama pas dhjetë vjet qeverisje përfundimisht i falimentoi edhe financiarisht Bashkitë që drejtohen nga vetë Kryetaret e rilindjes. Bashkitë e rrëmbyera nga Edi Rama u vodhën dhe plaçkiten nga korrupsioni dhe tani janë zhytur ne borxhe që janë pasoje e vjedhjes pa fre te Qeverisë në çdo drejtim. Edi Rama pas dhjete vjet qeverisje i shndërroi Bashkitë ne Bordero, që vetëm paguajnë Patronazhit dhe nuk ofrojnë asnjë shërbim. Edi Rama pas dhjete vjet qeverisje u rrëmbeu edhe Ujësjellësit Bashkive. Asgjesimi dhe falimentimi i Bashkive, te cilat tani i rrëmben dhe i fut ne grusht Edi Rama dhe qeveria pas dhjetë vjet qeverisje është një veprim shume i rende mafioz. Pas dhjete vjet qeverisje të Edi Rimës ne vend që Bashkitë te merrnin gjithnjë e më shumë kompetenca për tu’ ofruar qytetarëve shërbimet sa me afër dhe sa me shpejt vendbanimit, ndodhi e kundërta ato praktikisht asgjësohen përfundimisht si Pushtet Lokal”, shkruan ai.
Ndërsa thekson se çdo ditë që kalon bashkitë zhyten në borxhe dhe shkak për këtë është Rama dhe bashkëpunëtorët e tij.
