Një 70- vjeçar ka ndërruar jetë në spital pasi u aksidentua paraditen e sotme. Burime nga policia bëjnë me dije se viktima është identifikuar me iniciale F. Gj 70 vjeç.
Të njëjtat burime bëjnë me dije se i moshuari u përplas paradite nga një automjet që drejtohej nga shoferi i identifikuar me iniciale A. R.
Nuk dihen ende shkaqet e këtij aksidenti, ndërsa pritet të zbardhen detaje pas marrjes në pyetje të shoferit të automjetit.
Grupi hetimor po punon për sqarimin e rrethanave të aksidentit.
27.al raporton se bilanci i aksidenteve tragjike vijon të rritet, ndërsa shkak është bërë mosrespektimi i rregullave të qarkullimit rrugor dhe manovrat e shpejtësisë.
