Një shqiptar që ishte marrë peng në Angli është gjetur dhe liruar nga policia.
Mësohet se i riu ishte marrë peng nga shtetas shqiptarë te evidentuar si persona me rekorde kriminale ne Angli, ndërsa kanë rënë në pranga 7 persona dhe po punohet për kapjen e personave të tjerë të përfshirë në këtë veprimtari kriminale.
Personat që kishin marrë peng 30-vjeçarin kërkonin 400 mijë paund në këmbim të lirimit të tij.
Operacioni është në vijim dhe për këtë arsye nuk bëhen publike të dhënat e personit të marrë peng dhe të personave të arrestuar, deri në përfundim të operacionit.
Finalizimi i këtij operacioni është rezultat i bashkëpunimit shumë të mirë ndërmjet Policisë së Shtetit dhe Autoriteteve Ligjzbatuese Britanike.
