Dy persona janë arrestuar dhe dy armë zjarri janë sekuestruar nga policia e Vlorës në kuadër të operacionit të koduar “Summer 2017”.
Kështu, rreth orës 03:20 të mëngjesit të sotëm, në lagjen “Ujë i Ftohtë”, në kuadër të kontrolleve të ushtruara në ambientet e një lokali, janë konstatuar dy shtetas të cilët nga kontrolli fizik i secilit prej tyre, iu janë gjetur në trup 2 armë zjarri Pistoletë të llojit “TT” (pa leje).
Policia ka bërë arrestimin në flagrancë të shtetasve:
1- Paris Sulejmani, 30 vjeç, banues në Vlorë.
2- Olsi Koçeli, 28 vjeç, banues në Vlorë.
Nga hetimet e kryera, ka rezultuar se këta shtetas rezultojnë të dy persona të shpallur në kërkim dhe me masë sigurie “Arrest në burg”.
