Një 31 vjeçar shqiptar është dënuar me 1 vit burg nga gjykata angleze pasi u kap në një fermë kanabisi me vlerë prej 135 mijë eurosh. Florjan Lika u kap në një kantier anijesh në Canvey ku po rriste 77 bimë kanabisi. 31-vjeçari deklaroi para gjykatës se kishte hyrë ilegalisht në Britani përmes Francës duke u fshehur në pjesën e pasme të një kamioni.
Kanabisi ishte gati 14 kilogramë dhe nëse do të hidhej në treg do të kapte vlerën e 135 mijë eurove.
Shqiptari ka deklaruar para gjykatës se “ishte i detyruar të drejtonte fermën e kanabisit.” Florjan Lika kishte qëndruar më parë ilegalisht në Gjermani dhe Francë dhe më pas kaloi për në Angli duke kërkuar një jetë më të mirë, por që në fakt përfundoi pas hekurave.
Lika u akuzua për prodhimin e drogës së klasit B dhe u dënua me një vit e një muaj burgim.
