Janë zbardhur të dhëna të tjera rreth ngjarjes së mesnatës, ku në në aksin rrugor Fier-Lushnjë, në afërsi të rrethrrotullimit të Kolonjës u gjet i pajetë shtetasi Betim Kastrati. Burimet bëjnë me dije se 38-vjeçari kishte parkuar makinën në mënyrë të rregullt ka vrarë veten me armë zjarri.
Ndërsa raportohet, Kastrati ishte banues në qytetin e Durrësit, dhe punonjës në port, ndërsa kohët e fundit sipas familjarëve kishte shfaqur shenja të depresionit. Kastrati ishte i martuar dhe kishte 2 fëmijë të mitur dhe nuk shoqërohej me njeri. Në aksin rrugor Fier-Lushnjë, në afërsi të rrethrrotullimit të Kolonjës, në një xhep rruge, brenda në automjetin tip “Volvo”, i parkuar në mënyrë të rregullt, është gjetur i pajetë shtetasi B.K, 38 vjeç, banues në Durrës.
Nga tërësia e veprimeve paraprake të kryera dhe provat e gjetura në vendngjarje dyshohet se Kastrati si pasojë e depresionit është vetëvrarë me armë zjarri pistoletë e cila u sekuestrua në cilësinë e provës materiale. Grupi hetimor nën drejtimin e Prokurorisë vijon punën për zbardhjen dhe sqarimin e plotë të rrethanave të ngjarjes.
